شروط الاستخدام وسياسة الخصوصية

لما بتبعت طلب من الموقع، هاد بيوصلنا كطلب أولي. منتواصل معك بالتلفون لتأكيد الأصناف، الوزن والوقت. الطلب بيصير ملزم بس بعد ما نتفق معك.

منقدر نرفض أو نلغي طلب إذا صنف خلص، أو إذا ما قدرنا نوصل للعنوان، أو إذا ما قدرنا نتواصل معك.

الأصناف اللي بتتباع بالكيلو بتظهر بسعر الكيلو. المبلغ اللي بتشوفه بالسلة هو تقدير حسب الكمية اللي اخترتها، مش المبلغ النهائي.

الوزن الفعلي بينحدد وقت التحضير، والمبلغ النهائي بيتعدّل حسبه. منعلمك بالمبلغ قبل التسليم. الأسعار بتشمل الضريبة، ومنقدر نغيّرها بأي وقت بدون إشعار مسبق.

بتقدر تختار توصيل لباب البيت أو استلام من المحل. رسوم التوصيل بتعتمد على المنطقة وبتظهر بصفحة إتمام الطلب قبل ما تأكد.

أوقات التوصيل تقديرية وبتتأثر بضغط الطلبات. الدفع عند الاستلام، كاش أو بطاقة.

بتقدر تلغي الطلب بأي وقت قبل ما نبلّش التحضير، فقط اتصل فينا.

اللحمة الطازة بتنقطّع خصيصاً لطلبك، فبعد التحضير ما منقدر نستلمها رجعة إلا إذا كان في مشكلة بالمنتج نفسه. إذا وصلك شي مش مظبوط، احكينا بنفس اليوم ومنصلّحها.

منجمع بس اللي منحتاجه لتنفيذ الطلب: الاسم، رقم التلفون، العنوان لما تختار توصيل، والملاحظات اللي بتكتبها. ما منجمع تفاصيل بطاقات دفع، لأن الدفع بصير عند الاستلام.

المعلومات محفوظة على خوادم مزوّد الاستضافة تبعنا، ومحمية بصلاحيات وصول. بس طاقم المحل بيقدر يشوف تفاصيل الطلبات.

ما منبيع ولا منأجّر معلوماتك لأي جهة تانية. ما منستعملها لإعلانات مدفوعة، وما منشاركها إلا إذا كان في إلزام قانوني.

بتقدر تطلب تشوف المعلومات المحفوظة عنك، تصحّحها، أو تطلب حذفها. اتصل فينا وبنتعامل مع الطلب. منحتفظ بتفاصيل الطلبات للفترة اللي بتلزمنا لإدارة الحسابات حسب القانون.

الموقع بيحفظ سلة التسوق تبعك بذاكرة المتصفح لحتى ما تضيع لما تنقل بين الصفحات. هاي المعلومة بتضل عندك بالمتصفح، وبتقدر تمحيها من إعدادات المتصفح بأي وقت. ما منستعمل كوكيز تتبّع إعلاني.

لأي سؤال عن الطلبات أو عن معلوماتك الشخصية: